اليوم روحت شركة ضمان على اساس اقدم حق الوظيفة
و للعلم الصيفي الي طاف كنت اتدرب عندهم في صوب الكليمس الي هو الموافقات الطبيه
نوافق على حالات و ما نوافقع على البعض يعني ضمان تدفع التكاليف حق العلاج ولا لا
و اليوم شافوني و استقبلوني بحراره و سالوني ها شو عندك تحتاج اي مساعده
قلتلهم والله انا ياي اقدم علىى وظيفه مسائية عندكم
و طبعا تعرفوني انا طالب في الكلية
و خذو السيفي و عيبهم مستواي و كل شهاداتي
و قالولي انت جاهز حق الامتحان مال القبول
قلتلهم ماعرف بنسوي
و توكلت و سويت الامتحان و الحمد الله فل مارك كان الامتحان عن الاكسل و اساله انجليزية
و سرعة الطباعة طبعا سرعتي 42.77 كلمة في الدقيقة عيبهم الموضوع
و ودو اوراقي عند البوس حقهم و انا فرحت قلت الحمد الله بتعدي على خير و بتوظف
البوس قالي شو تبا تشتغل قلتلهم ابا نفس الي تدربته علشان ابدا دوامي مباشره و ما يكون في اسابيع تدريب
قالي اوكي و عقب جي شوي قالي مافي مسائي بس صباحي
وربي خرط انا يوم كنت اتدرب لين ساعة 9 الليل عندهم دوام في القسم الي انا اباه بس طوفت قلتله و الحل
قالي شو رايك في خدمة العملاء قلتله مال تلفونات
قالي هيه
قلتله اوكي نتوكل على الله
قالي بس في امتحان ثاني بنسويلك علشان نشوف قدرتك في الانقليزي و كم لهجه انجليزيه اروم ارمس
قلتله اوكي
و سويت الامتحان الثاني و طلع عندي 3 لهجات و مستواهم حلو
و الانجليزي حقي قالي حلو يعني انفع
وقع على القبول و طرشني صوب السوبر فايزر حق القسم
علشان تعطيني فكره و تنصحني و عقب بنبدا التدريب
في القسم هناك قالتلي دوامك بيكون من 3 الظهر لين 12 الفير
انا هني انصعقت وين بدرس حق الكلية و لو عندي امتحانات كيف
قلت عادي انا شاطر اصلا بدرس في الاجازات الاسبوعيه
قلتلها اوكي مب مشكله
شو يتقلي دوام 7 ايام في الاسبوع
و مره بيكون في عندك اجازه يومين و مره لا يعني اسبوع فيه إجازه و اسبوع لا مافيه ولا إجازة
انا هني انحبطت قلت مو مشكله بنمشي و شوي تقلي مافي بريك شغلك علطول مو تقلي برتاح 10 دقايق ولا شي
و في اليوم لازم تخلص فوق 600 مكالمه و استفسار
انا هني قلت مافي امل خلاص و قلتلهم بفكر في الموضوع و برجعلكم
و هذا ويهي لو رجعتلهم شو اشتغل على حساب دراستي مابا
شو رايكم يا جماعة ها الشي عادل حق الطلاب ؟؟
خصيصا طلاب الجامعات و الكليات الي يستحون يطلبون من اولياء امورهم فلوس و جي شو ها الحياه
والله مافي رحمه حق الطلاب و يقولون لنا توطين و نساعد الطلاب حق يكتسبون خبرات
الله يستر علينا بس
2 التعليقات:
مآ شآ آلله .. هآ وآنت عندك مؤهلآت وسوولكْ سآلفة ..
آحسّك تخرط ..>> قووية ×)
أسولفْ ..!
آلله ييسرْ عليكْ ...
هو مو سالفهما يبوني
هميبوني بس يبوني اشتغل عندهم من ساعة 3 لين 12 الفير يعني لو بروحلهم و انا ما ادرس صباحي اوكي تمام و الراتب 11 الف حلو بس يعني ما ياكل عيش بس بعد حلو
أنا قضيتي الي ما عيبني فيهم انهم ما يراعون اننا طلبه نبا وقت ندرس فيه يعني نخلص من الكلية ساعة 1 ولا 2 نتحرك مباشرتا للدوام و نتم هناك نشتغل لين 12 الفير طريق الرده 45 دقيقة بالسيارة من موقع الدوام
وصلت البيت تقريبا 12:50 لين ما اغير ملابسي و اتسبح صارت 1:30 يلا لين ما نرقد ماعرف كم و يوم الثاني لازم انش 5:30 الفير عشان اتحرك من البيت ساعة 6:30 لان في الدرب زحمه و ناخذ ساعة و نص تقريبا لين ما نوصل الكليه و نرجع مره ثانية مثل ما شرحت
خبريني وين بدرس هني ؟؟؟؟؟
يراعون الطلاب شوي والله ماهي حاله
إرسال تعليق