عرس اخو نسيبي

اليوم كان عرس اخو نسيبي

و كان العرس في فندق روتانا الي صوب منتزه خليفه

أول شي كان وايد حلو

رقصت فيه هههه لالا لايروح بالكم بعيد

رقصت يعني اشترحت

هيه تبوني اشترح في اعراسكم ؟؟ كم تدفعون ههههههه

المهم اشترحت فيه و كلينا  طبعا بعد الالكل اشترحت ههههه

و يوم خلصنا بطني قام يعورني لوووووول

المهم ياريت لو شفتوني و انا اشترح بهم ههههههه

و الرقصه نفس في ها الفيديو

امم الفيديو مو ملكي

لطشته من يوتيوب

ضمان أخخخخ بس أخخخ

اليوم روحت شركة ضمان على اساس اقدم حق الوظيفة



و للعلم الصيفي الي طاف كنت اتدرب عندهم في صوب الكليمس الي هو الموافقات الطبيه


نوافق على حالات و ما نوافقع على البعض يعني ضمان تدفع التكاليف حق العلاج ولا لا


و اليوم شافوني و استقبلوني بحراره و سالوني ها شو عندك تحتاج اي مساعده


قلتلهم والله انا ياي اقدم علىى وظيفه مسائية عندكم


و طبعا تعرفوني انا طالب في الكلية


و خذو السيفي و عيبهم مستواي و كل شهاداتي


و قالولي انت جاهز حق الامتحان مال القبول


قلتلهم ماعرف بنسوي


و توكلت و سويت الامتحان و الحمد الله فل مارك كان الامتحان عن الاكسل و اساله انجليزية


و سرعة الطباعة طبعا سرعتي 42.77 كلمة في الدقيقة عيبهم الموضوع


و ودو اوراقي عند البوس حقهم و انا فرحت قلت الحمد الله بتعدي على خير و بتوظف


البوس قالي شو تبا تشتغل قلتلهم ابا نفس الي تدربته علشان ابدا دوامي مباشره و ما يكون في اسابيع تدريب


قالي اوكي و عقب جي شوي قالي مافي مسائي بس صباحي


وربي خرط انا يوم كنت اتدرب لين ساعة 9 الليل عندهم دوام في القسم الي انا اباه بس طوفت قلتله و الحل


قالي شو رايك في خدمة العملاء قلتله مال تلفونات


قالي هيه


قلتله اوكي نتوكل على الله


قالي بس في امتحان ثاني بنسويلك علشان نشوف قدرتك في الانقليزي و كم لهجه انجليزيه اروم ارمس


قلتله اوكي


و سويت الامتحان الثاني و طلع عندي 3 لهجات و مستواهم حلو


و الانجليزي حقي قالي حلو يعني انفع


وقع على القبول و طرشني صوب السوبر فايزر حق القسم


علشان تعطيني فكره و تنصحني و عقب بنبدا التدريب


في القسم هناك قالتلي دوامك بيكون من 3 الظهر لين 12 الفير


انا هني انصعقت وين بدرس حق الكلية و لو عندي امتحانات كيف


قلت عادي انا شاطر اصلا بدرس في الاجازات الاسبوعيه


قلتلها اوكي مب مشكله


شو يتقلي دوام 7 ايام في الاسبوع


و مره بيكون في عندك اجازه يومين و مره لا يعني اسبوع فيه إجازه و اسبوع لا مافيه ولا إجازة


انا هني انحبطت قلت مو مشكله بنمشي و شوي تقلي مافي بريك شغلك علطول مو تقلي برتاح 10 دقايق ولا شي


و في اليوم لازم تخلص فوق 600 مكالمه و استفسار


انا هني قلت مافي امل خلاص و قلتلهم بفكر في الموضوع و برجعلكم


و هذا ويهي لو رجعتلهم شو اشتغل على حساب دراستي مابا


شو رايكم يا جماعة ها الشي عادل حق الطلاب ؟؟


خصيصا طلاب الجامعات و الكليات الي يستحون يطلبون من اولياء امورهم فلوس و جي شو ها الحياه


والله مافي رحمه حق الطلاب و يقولون لنا توطين و نساعد الطلاب حق يكتسبون خبرات


الله يستر علينا بس

من الملل لعبنا سوني خخخخ

هلا و غلا

امس كان يوم فضيع و ممل فقررت اللعب سوني هههههه

أخوي الصغير انقهر لان هو عنده امتحانات آخر السنه خخخخخ

المهم لعبت وايد اللعاب بس احلاهم كان سباق السيارات

و صورت لكم اللعبه و انا اللعب اخليكم مع الفيديو

هع هع

الحمد الله على سلامتك سعيد

الحمد الله على سلامة صديقي سعيد

اليوم سوى حادث بالسيارة بس الحمد الله

ما صابه شي و الحمد الله على هذا

و بالنسبه للسيارة باجر بيصلحونها

 الدعمه خفيفه يت على البمبر الي ورا

و اترككم مع الصورتين  لا تخبرونه

صورته بدون عن يدري لووول

الرابط العجيب بين الوظيفة و الملل

صبحكم الله بالخير


شحاااالكم عساكم مرتاحين

من ملل الإجازة قررت اني اشوفلي شي استفيد منه بدال من يلسة البيت
فقررت اني اتوظف في اي دائرة حكومية او خاصة  خلال هذا الصيف
و يمكن استمر لو اموري طيبه و كانت مسائية خخخخخخ
و بالمختصر المفيد اليوم انا نشيت متفائل و طبعت السيرة الذاتيه حقي ههههه سويته كتاب
و الحين بتوكل و بدور على الشركات و الدوائر الحكومية
أدعولي بالتوفيج إن شاء الله ((( و ربي يوفجكم و يخليكم )))


تحياتي
حملة تكسير و تفتيت الملل